مدونة يلا جواز نقدم معلومات حول الطفولة والامومه والصحه العامه ونصائح للمتزوجين والمقبلين على الزواج وفيديوهات ومقالات
ساعدونى قسم يقدمه يلا جواز من اجل الاستشارة وحل مشاكل الحياة، ارسل مشكلتك على صفحتنا الرسمية على الفيس بوك من خلال الرابط التالى
وسيتم الرد على مشاكل السائلين فى الحال على الفيس وفى المدونة فى سرية تامة، ويكون الرد من خلال المستشارين والمختصين فى مجال سؤال و مشاكل السائلين.
مشكلة 1:
“انا مخطوبه ومش بحب خطيبى وعايزه اسيبه بس مشكله انه ابن خالى وانى مش متفبله خالص موضوع الخطوبه وبحب واحدتانى بس مش عايز يكلمنى غيرلمااسيب خطيبى وحاولت اسيبه كتير ومش عارفه وخطيبى مش بيحس بالكلام اللى بقوله لى“
يجيب عن هذا السؤال:
الدكتورة منى البصيلي
مركز Be Perfect للتدريب و الاستشارات
“اول قاعدة انها تفصل بين الموضوعين يعنى متاخدش قرار ترك خطيبها علشان الشخص التانى هى المفروض تقيم شخصية خطيبها كويس وهل فى فرص لنجاح العلاقة بينهم ولا لا.
ثانيا محتاجة تفكر هل الشخص الاخر جاد فى العلاقة دى وحيتقدم لها فعلا ولا مجرد بيتسلى.
ثالثا هل اهلها حيوافقو على الشخص الاخر ده ولا لا.
رابعا هل مقومات وشخصية وامكانيات الشخص التانى ده مناسبة لها ولمكانتها ومكانة اسرتها وحيكون فى توافق بينهم ولا لا.
بناء على اجابات الاسئلة دى هى بتاخد قرارها والافضل لو هي قررت ترك خطيبها انها تبدا بمصارحة اهلها بانها مش حاسة بالتوافق مع ابن خالها وانها مش حتقدر تكمل وهم مع بعض كأسرة يشوفوا ازاى يتم الامر ده بهدوء وبدون اثارة مشاكل بين العائلتين.
لكن من الخطأ انها تبغ ابن خالها هى بقرارها لان ده أولا ممكن يسبب غضب شديد من اهلها تجاهها لأنها تجاوزتهم واخدت القرار ونفذته، ثانيا ممكن يسبب مشاكل عائلية لو ان خطيبها لم يتصرف بالنضج الكافى ، فإذا انتهى تماما موضوع خطوبتها وهدأت الأمور تبدأ تفكر وتشوف موضوع الشخص الاخر ومدى جديته“
