مدونة يلا جواز نقدم معلومات حول الطفولة والامومه والصحه العامه ونصائح للمتزوجين والمقبلين على الزواج وفيديوهات ومقالات
قسم ساعدونى هو قسم يقدمه يلا جواز من اجل الاستشارة وحل مشاكل الحياة، ارسل مشكلتك على صفحتنا الرسمية على الفيس بوك من خلال الرابط التالى
والرد على مشاكل السائلين يكون فى الحال على الفيس وفى المدونة فى سرية تامة، ويكون الرد من خلال المستشارين والمختصين فى مجال سؤال و مشاكل السائلين.
مشكلة 2:
“انا بنت عندي 25 وما ارتبطتش غير مره واحده وانا في ثانوي لمده تلت سنين بس كنا عطول في مشاكل عشان انا ملتزمة وهو لا خالص وفى الاخر خاني مع صاحبتي واتجوزوا وانا انجرحت جدا عشان عملت حاجات كتييير عشانه المهم من بعدها بقيت افكر احسن بكنيير بس الارتباط بقيت بخاااف اوي منه.
لحد من فترة اتعرفت ع شخص بالصدفة ومعرفش ارتحتله ليه ورضيت ارتبط بيه انا مشوفتوش غير مرة ومتكلمنالش واتعرفنا شات هو كويس جدا بس المشكلة فيا دايما خايفة وحاسة انه هيسبني لدرجه بتضغط عليه وبقينا بتخانق كتييير اوي
لحد ما راح الجيش من 26يوم وقعدت 19يوم معرفش عنه حاجه وبعدها كلمني انا بحبه جدا جدا وعايزه احافظ عليه وعايزه اتاكد هو بيحبني ولا لا انا خايفه يكسر قلبي.. ومبقتش عارفه اتعامل ونفسي اتخطب لحد بحبه انا نفسي احس بالامان نفسي افرح من قلبي نفسي اتجوز زي صحابي”
يجيب عن هذا السؤال:
ريهام ابو سنه اخصائى
تعديل سلوك وارشاد اسرى مركز Be Petfect
” الاخت الكريمة .. مشكلتك من البداية كانت بسبب انه مفيش حكم سليم فى اختيار شريك الحياة و كانت عندك رغبة فى الارتباط لمجرد انك ترتبطى مش لأن فكرة الزواج واضحة عندك.
و المفتروض كنتى تختارى المناسب ليكى ولأهلك و وضعك الاجتماعى و قدر التزامك الدينى و الاخلاقى و اللى كان واضح جدا اختلاف خطيبك الأول فيهم عن حدودك الخاصة اختلاف كبييييير .. طول الوقت انتى اللى كنتى بتنقذى العلاقة و كانت محاولاتك لانجاح العلاقة من طرفك انتى و تقبلتيه و تغاضيتى عن عيوب فى شخصيته كانت واضحة ليكى و لها مؤشرات .. لأن الخيانة أزمة اخلاق مفاجئة.العلاقة الناجحة اختى الكريمة هى علاقة بين طرفين واعيين و مسئولين و عندهم رغبة مشتركة يكملو مع بعض.
اما خطوبتك التانية فكانت تحت نفس العنوان و خضعت لنفس تقييمك السابق للارتباط فدخلتى فى علاقة هشة بنفس النمط مع شخص يحتل تفس العنوان ” حجرب و يمكن بس موعدكيش .. و بنفس عاطفتك وافكارك كملى”
عايزة اتجوز و ارتبط زي كل لبنات و مش عايزة اللى احبه يسيبنى” .. علشان كدة انتى محتاجة لترتيب اولوياتك فى العلاقة ككل.
مع خطبيك الحالى لازم وقفة مع نفسك اولا و صحححى افكارك عن الارتباط و ابدأى شوفى مواصفاته هل تناسبك و تناسب وضع اهلك من بعيد وانتى مستخيرة و مستشيرة و خدى انتى القرار و متخافيش من فكرة الفقد لأنه قيد للطرف التانى بيلخبط حساباته و مبيقدرش قيمتك كويس ولا بيقيم جودة العلاقة بينكم.
سيبيله الاريحية فى القرار و الاختيار و ادى لنفسك نفس الحق ده و تقبلى الفكرة بقناعة و رضا و ثقة فى الله .. اللى حيمشى من حياتك فهو زيادة عليها و اللى حيفضل هو رزقك”
