قواعد المقابلة الاولى فى جواز الصالونات

جواز الصالونات اللى بقى الوسيلة الوحيدة -تقريبا- للجواز فى مصر دلوقتى ومقابلة التعارف الاولى الواحد فيها لازم يدقق فى كل تفصيله علشان تعدى على خير، طبعا لو حضرتك لبخة وعلى نياتك اهل العروسة مش عارفينك علشان يفهمو ان الدهولة دى خجل

تعمل ايه بقى تعالى وانا اقولك

قواعد المقابلة الاولى فى جواز الصالونات

• اولا طبعا كدة لازم الوالد والوالدة يكونو معاك اسلوب انا معتمد على نفسى ده مش لطيف فى المقابلة الاولى.
• البس كلاسيك, وحياة الحاجة البس كلاسيك, ورحمة الغاليين البس كلاسيك, الجينز والشميز الفحلقى والكوتشى ابو 3 الاف مش هيطيرو لو سيبتهم مرة.
• لو اول مقابلة فى البيت متبحلقش فى كل ركن فى البيت .
• متبحلقش فى البنت ولا تفضل باصص فى الارض لزوم الادب المصطنع.
• لما تتكلم اتكلم مع الكل بلاش شغل التركيز مع البنت بس اليوم ده تعارف للعيلتين ببعض ده نسب ياعم الحاج.
• الشغل بقى بتاع الاسد اللى اديته بوكس وقع ومديرك اللى كلمك وحش بصتله هر من الخوف والتفاخر من اى نوع بلاش خالص.

ادينى حذرتكم اهه لو القعدة منفعتش متقولوش يلاجواز السبب ماشى.
على خير ان شاء الله

للمزيد من مقالات شريك الحياة يرجى الضغط هنا