مدونة يلا جواز نقدم معلومات حول الطفولة والامومه والصحه العامه ونصائح للمتزوجين والمقبلين على الزواج وفيديوهات ومقالات

لازانيا بالباشميل وصلصة البولونيز

admin 6 سبتمبر، 2016 اطباق رئيسية وجانبية, مكرونه التعليقات على لازانيا بالباشميل وصلصة البولونيز مغلقة 837 المشاهدات

لازانيا بالباشميل و صلصة البولونيز

لاحظنا ان ناس كتير بتبوظ منهم و مبيعرفوش يتعاملوامع اللازانيا .. مع ان طريقتها سهلة جداً بس عايزة صبر في استخدامها عشان متعجنش منك ولو جربتوها مش هتعملوا المكرونة بالباشميل العادية وهتعملوا دى على طول ويلا نشوف المقادير و المكونات و الطريقة …

لازانيا بالباشميل و صلصة البولونيز المكونات و الطريقة:

مكرونة لازانيا — مكرونة لازانيا

ده شكلها .. في لازانيا بتبقي مستوية جاهزة ومش بتتسلق بس بتاخد وقت اطول في الفرن وبيبقي الباشميل سايل اكتر عشان تشربه المكرونة وتستوى فيها ..بس هنستعمل اللازانيا اللى بتتسلق عشان متاخدش وقت في الفرن

نغلي مايه فيها ملح وزيت على النار وفي صنية عشان نضيف اللازانيا ومتلزقش في بعضها ..وبحط 3 لازانيا بس ولما يستوو بشيلهم واحط غيرهم وبتاخد تقريبا 10 لو عندك حلة كبيرة برضه اوك

اللازانيا بعد مااستوت ..غسلتها بمايه وحطيت عليها نقطه زيت وفردتها على المصفاه عشان متلزقش في بعضها وتصفي كل المايه اللى فيها وانا عملت 9 شرايح لازانيا عشان هنعملها 3 طبقات ..لو انتى عايزاها طبقات اكتر مفيش مشاكل على حسب ارتفاع الصنية اللى عندك

تعصيج اللحمة المفرومة .. شوحت بصلة مفرومة او مكعبات صغيرة بشويه زيت ولما بدأت تبقي شفافة بنزل عليها بفصين توم مفرومين وعليهم قرن شطة مفروم وشمى احلى ريحه وبعدين انزلى باللحمة وسيبيها تنزل مايتها وتستوى وفي نص السوا حطى بهاراتك والملح والفلفل الاسود والزعتر والتوم البودر والشطه وورقتين لورى

اللحمة استوت خالص نقوم باضافة معلقتين صلصى في حبه مايه صغننين اوى وحطيتهم على اللحمة وسيبتها تشرب منها وده صلصة البولونيز وممكن تضربي طماطم في الخلاط وتحطيها ..وطبعا الاصل فيها انك تعملى الصلصه لوحدها واللحمه لوحدها بس عملناهم على بعض عشان اسهل وعشان منكترش السوايل في الصنية

الباشميل ..لبن ودقيق وملح وفلفل ومكعب مرقة ونضربهم في الخلاط وبعدين نحطهم على زبدة في الحلة .. — الباشميل ..لبن ودقيق وملح وفلفل ومكعب مرقة ونضربهم في الخلاط وبعدين نحطهم على زبدة في الحلة ..

الباشميل بتاعنا ولاحظوا انه بيبقي اخف من باشميل المكرونه العادى بس برضه مش خفيف اوى لا وسط — الباشميل بتاعنا ولاحظوا انه بيبقي اخف من باشميل المكرونه العادى بس برضه مش خفيف اوى لا وسط

هنحط اول طبقه باشميل عشان اللازانيا ماتتحرقش — هنحط اول طبقه باشميل عشان اللازانيا ماتتحرقش

تانى طبقه 3 شرايح لازانيا ولو هما كبار على الصنيه ممكن تقصي منهم حته ..وزى ما قلت لو شريحه اللازانيا رفيعه او حطى شريحتين على بعض ..وبعد ما حطينا اللازانيا هنحط طبقه باشميل خفيفه اوى

تالت حاجه اللحمه المفرومه هنحطها على الباشميل ونوزعها بالتساوى — تالت حاجه اللحمه المفرومه هنحطها على الباشميل ونوزعها بالتساوى

بعد ما حطيت اللحمه المفرومه حطيت رشه جبنة موتزاريلا ممكن تحطى انتى جبنى رومى او شيدر او موتزاريلا او مكس بينهم بتبقي جميلة ..وترجعي تحطى لازانيا تانى وتكملى الخطوات وهكذا وانا في الصنيه دى عامله 3 طبقات لازانيا وبينهم طبقتين لحمة مفرومة

اخر حاجه طبقة لازانيا وعليها طبقة باشميل كثيفة وعليها رشة موتزاريلا حلوة كده وندخلها فرن متسخن من قبلها وتدهليها على فرن متوسط يعنى حوالى 180 ولما تتحمر من الجناب طفي عليها وولعي الشوايه ثانيتين وتتحمر وتبقي جميله وخدى بالك من الشوايه لتحرقها

بعد ما طلعت من الفرن ..ماشاء الله لونها جميل وطعمها اجمل — بعد ما طلعت من الفرن ..ماشاء الله لونها جميل وطعمها اجمل

و بالهنا و الشفا من مطبخ يلا جواز — و بالهنا و الشفا من مطبخ يلا جواز

الوسومبولونيز لازانيا مطبخ مفروم مكرونة

عن admin

موضوعات متعلقة

تصفح أيضاً

طريقة عمل مكرونه ترياكي بالدجاج و الخضار :

طريقة عمل مكرونه ترياكي بالدجاج و الخضار :

طريقة عمل مكرونه ترياكي بالدجاج و الخضار : من المعروف عن الاكلات اليابانيه انها صحيه …