الحفاضات إمتا الطفل يقدر يقلعها و يعمل في ” البوتي ” ؟

الحفاضات معاناة مزدوجة :

الحفاضات … ماميز كتير بتعاني مع الاطفال و ممكن نعتبر اكبر معاناة هي الحفاضات خصوصاً بعد ارتفاع سعرها الايام الاخيرة .. و السؤال امتا البيبي يقلع الحفاضة و يقدر يتعود انه يطلب البوتي يعمل فيها ؟

 

اقرأي أيضاً : جدول تغذية الطفل الرضيع والأخطاء التى تقع فيها الأمهات

تجربتي مع البوتي :

في تجربتي مع بنتي انا قلعتهولها قبل متكمل سنة و نص و دي كانت غلطة بصراحة لانها ما كانتش لسه بتقدر تتحكم في نفسها و غسلت سجاجيد و مشايات كتير اوي لكن بعد مكملت سنة و نص بدات تقولي ” بوتي ” لما بتكون عاوزة تعمل و لما ساعات تعمل على نفسها كنت بقولها زعلانة منك او لو عملتي في البوتي هجبلك حاجات حلوة . الحمد لله بدأت تتعود عليها و بقت بشكل طبيعي تطلبها بس طبعا لازم افكرها بيها كل فترة عشان غسيل السجاجيد مش لعبة .

الخلاصة : متقلعيش طفلك الحفاضات قبل ميكمل سنة و نصف تشجيع الطفل على الجلوس على ” البوتي ” لازم معاه حاجات تحفزه زي الحاجة الحلوة او الخروج عند ” تيتا و جدو ”

اقرأي أيضاً :اسرار بكاء الاطفال و لماذا يبكى طفلك ؟

 

المقال دا بعتتهولنا إحدى متابعات صفحتنا على فيسبوك 

لو عاوزة تبعتي مقالك و يتم نشره عندنا ابعتيه على الفيس بوك من اللينك دا

 

لو المقال عجبكوا شيروه على صفحاتكم و اعملوا لايك لصفحتنا على الفيس بوك و متنسوش تشوفوا الفيديوهات بتاعتنا على يوتيوب