احنا عارفين انك سواء راجعة من الشغل متأخر او كنتي بتروقي البيت اكيد وقت اعداد الغداء بيكون ضيق عشان كدا جبنالك أسرع و أجمل طريقة لصينية البطاطس بالفراخ و الجميل انها مش بتتكلف اكتر من 25 جنيه .
تعالي نشوف المقادير و الطريقة .
اقرأي أيضاً : طريقة عمل الأرز البخاري باللحم أو الدجاج _ مع الشيف منال العالم
المقادير :
وركين فراخ ” 18 جنيه ”
3 حبات بطاطس ” جنيه و نصف ”
3 حبات طماطم ” جنيه إلا ربع ”
1 بصلة
رشة ملح
رشة فلفل
ملعقة سمنة
كوب مياه
الطريقة :
- تقطعي البطاطس مكعبات سميكة .
- اضربي البصل و الطماطم في الكبة و معاهم الملح و الفلفل .
- جيبي الصينية و حطي فيها الفراخ ” بعد ما تتسلق ” و البطاطس و البصل بالطماطم و عليهم معلقة السمنة و كوب المياه و على الفرن على طول
اقرأي أيضاً : طريقة عمل ارز بالدجاج وصوص الكارى لسالى فؤاد
على ما تستوي الصينية في الفرن تكوني عملتي احلى حلة رز
و بألف هنا و شفا
المقال دا بعتتهولنا إحدى متابعات صفحتنا على فيسبوك
لو عاوز تبعت مقالك و يتم نشره عندنا ابعته على الفيس بوك من اللينك دا
لو المقال عجبكوا شيروه على صفحاتكم و اعملوا لايك لصفحتنا على الفيس بوك و متنسوش تشوفوا الفيديوهات بتاعتنا على يوتيوب